Atraksioni ikonë Blue Laguna e Islandës u detyrua të evakuohej të shtunën pasi meteorologët paralajmëruan për një shpërthim vullkanik “të afërt” aty pranë.
Spa-ja është përballur me një sërë mbylljesh gjatë muajve të fundit pasi një valë aktiviteti sizmik vazhdon të prekë vendin.
Sipas transmetuesit kombëtar të Islandës, llava ka filluar të rrjedhë pas “aktivitetit intensiv sizmik” në zonën përreth lagunës.
Në një deklaratë në faqen e saj të internetit, spa tha: “Për shkak të rritjes së aktivitetit sizmik në një zonë të njohur, disa kilometra larg nga Laguna Blu dhe angazhimit tonë të palëkundur për sigurinë dhe mirëqenien e klientëve dhe stafit tonë të çmuar, ne filluam një evakuim të ambienteve tona sot.
“Si rezultat të gjitha ambjentet tona do të qëndrojnë të mbyllura për pjesën e mbetur të ditës së sotme, të shtunën, 2 mars dhe nesër, të dielën, 3 mars, kohë në të cilën situata do të rivlerësohet.”
Lava kaloi rrugën kryesore për në Grindavík dhe rrodhi në rrugën që të çon në Lagunën Blu më 8 shkurt
Zyra meteorologjike e Islandës tha në përditësimin e saj të fundit se depërtimi i magmës duket se është ndalur, pasi një çarje prej rreth katër kilometrash u hap në Gadishullin Reykjanes.
Lëkundja filloi në skajin jugor të çarjes që u formua më 18 dhjetor 2023. Ka pasur ndërprerje të vazhdueshme në zonë për muaj të tërë për shkak të aktivitetit vullkanik me banorët e qytetit të afërt Grindavik që janë evakuuar.
Të enjten, zyra meteorologjike islandeze paralajmëroi se një shpërthim mund të fillojë me shumë pak kohë paralajmërimi, madje edhe më pak se 30 minuta.
Më pas të shtunën, parashikuesit konfirmuan se lëvizjet e magmës kishin filluar dhe se një shpërthim i çarjes ishte i mundshëm.
Ndërsa indikacionet tregojnë se aktiviteti i magmës ka pushuar, zyra tha se është shumë herët për të thënë nëse hyrja e magmës ka përfunduar dhe se nuk do të ketë një shpërthim.
Islanda, e cila ndodhet mbi një pikë të nxehtë vullkanike në Atlantikun e Veriut, mesatarisht ka një shpërthim çdo katër deri në pesë vjet.
Një pamje e llavës ndërsa vullkani shpërthen pranë Grindavík, Islandë, e diel, 14 janar 2024
Islanda, e cila është afërsisht sa shteti amerikan i Kentakit, krenohet me më shumë se 30 vullkane aktive, duke e bërë ishullin e Evropës Veriore një destinacion kryesor për turizmin vullkanik – një segment i veçantë që tërheq mijëra kërkues emocionesh.
Më shqetësues në kohët e fundit ishte shpërthimi i vitit 2010 i vullkanit Eyjafjallajokull, i cili hodhi re të mëdha hiri në atmosferë dhe çoi në mbyllje të gjerë të hapësirës ajrore mbi Evropë.
Grindavik, një qytet me 3,800 banorë rreth 50 km në jug-perëndim të kryeqytetit të Islandës Reykjavik, u evakuua në nëntor kur sistemi vullkanik Svartsengi u zgjua pas pothuajse 800 vjetësh me një seri tërmetesh që hapën çarje të mëdha në tokë midis qytetit dhe Sylingarfell, një mal i vogël në veri.
Vullkani shpërtheu përfundimisht më 18 dhjetor, duke dërguar llavë të rrjedhë larg nga Grindavik.
Një shpërthim i dytë që filloi më 14 janar dërgoi llavë drejt qytetit.
