Migen Qiraxhi përfaqësues i “Qendresës Qytetare”, i ftuar në studion e Quo Vadis të moderatores Pranvera Borakaj në Vizion Plus, analizoi premtimet e forcave politike në fushatë elektorale.
Ai tha se premtimet e politikanëve për falje gjobash janë premtime për falje parash, dhe janë të padrejta, pasi shkelin mbi qytetarët që janë të rregullt me pagesën e taksave.
Sipas tij deri në fund të fushatës do dëgjohen edhe më shumë premtime të tilla.
“Sa më shumë t’i afrohemi ditës së zgjedhjeve aq më shumë premtime do shohim. Në 2021 premtonte Basha, dilte Rama premtonte më shumë se Basha. Falja shqiptare nuk kuptohet nga shqiptarët, politikanët po premtojnë falje lekësh. Po çfarë do të thotë për atë që ka paguar. Kjo është e padrejtë për ata që janë treguar korrekt. Dëmi që i bëhet vendim me faljen e gjobave është i madh. Por kam përshtypjen që edhe liderët vetë nuk e besojnë që kanë ende 30 vite në politikë dhe premtojnë të njëjtën gjë. Ndarjen e pronave e ke në program. Kanë 30 vite premtojnë të njëjtën gjë. Këta pra mund të premtojnë çdo gjë, pasi në fund të ditës nuk japin llogri. Kryeministri sot nuk del para qytetarëve dhe të thotë që unë premtova këtë dhe nuk e kam bërë”, tha Qiraxhi.
