Panik në aeroportin e Nju Jorkut

Udhëtarët në aeroportin “Xhon Kenedi” në Nju Jork janë përfshirë nga paniku, pas një alarmi të rreme për të shtëna dhe sulme. Qytetarët u ulën të gjithë përtokë, ndërsa brenda një ore u krye evakuimi i plotë i tyre. Ndërkohë, gjashtë terminale u mbyllën duke sjellë shtyrjen e dhjeta fluturimeve. Pas verifikimeve të kryera, policia njoftoi se alarmi ishte fals dhe se nuk kishte patur të shtëna. Fatmirësish, nuk ka patur të lënduar dhe as persona të ndaluar.