Firmoset memorandumi i bashkëpunimit mes dy ministrive dhe kryqit të kuq shqiptar, për t’i ardhur në ndihmë familjeve që kanë humbur të afërmit në emigracion.
Ministrja e Drejtësisë Etilda Gjoni dhe ministri i shtetit për Diasporën Pandeli Majko, e vunë theksin tek shqiptarët e burgosur në vendet ku kanë emigruar dhe pamundësinë për të komunikuar me familjet. Sipas Majkos shumë rëndësi ka edhe mbështetja instituticionale, që shteti shqiptar mund t’u ofrojë këtyre personave.
Në themel të memorandumit është edhe shkëmbimi i informacionit për të gjetur shqiptarët e humbur.
