Gjashtë automjete janë djegur pasi zjarri përfshiu një servis në fshatin Leshnicë të Pogradecit.
Ngjarja ka ndodhur në orët e para të mëngjesit të sotëm, ndërsa paraprakisht dyshohet për zjarrvënie të qëllimshme. Nga kamerat janë parë persona të afrohen, dhe të kenë hedhur benzinë mbi mjetet duke u venë zjarrin.
Dyshohet se autorët janë më tepër se 2 persona të cilët nga ana e policisë po punohet për t’i identifikuar. Ndërkohë bëhet me dije se dëmi nga zjarrvënia përllogaritet deri në 60 mijë euro.
