I dërguari i posaçëm i Shteteve të Bashkuara për Ballkanin Perëndimor Mattheë Palmer ka përfunduar sot vizitën e tij tre ditore në Shkup.
Pas takimit me kryeministrin Zoran Zaev, zyrtari i lartë amerikan u shpreh se Shtetet e Bashkuara janë në kontakt të vazhdueshëm me liderët e Bashkimit Europian për çeljen e negociatave për Maqedoninë e Veriut.
MATTHEW PALMER
I DËRGUAR I SHBA PËR BALLKANIN PERËNDIMOR
SHBA eshte mik dhe partner I Maqedonisë së Veriut, ne do të vijojmë partneritetin me liderët e Bashkimit europian per te arritur qëllimin e negociatave. E riafirmuam edhe njëherë mbështetjen e SHBA-së për integrimin në BE dhe për perspektivën e saj, këtë ua përcjellim edhe partnerëve tanë europian,.
Gjatë takimit me kreun e qeverisë në Shkup, Palmer diskutoi edhe për situatën në rajon.
MATTHEW PALMER
I DËRGUAR I SHBA PËR BALLKANIN PERËNDIMOR
Me kryeministrin Zaev biseduam për situatën në maqedoninë e veiut, në rajon dhe në Bruksel. Gjatë takimit është diskutuar edhe për miratimin e protokollit për anëtarësi në NATO në SHBA. Presim që Republika e Maqedonisë së Veriut për një kohë të shkurtër të bëhet anëtarja e 30 e Aleancës. Ne vijojmë të mbështesim marrëveshjen e prespës, eshte thelbesore stabiliteti dhe paqja ne rajonin e ballkanit dhe jemi të sigurt se do të ecet përpara hap pas hapi.
Më herët Mattheë Palmer është takuar me presidentin Stevo Pendarovski, me ministra të kabinetit qeverisë dhe me kryetarin e BDI Ali Ahmeti.
