I Dërguari I posacëm i shteteve të bashkuara per Ballkanit Perëndimor Matthew Palmer deklaroi hapur këtë të hënë nga Beogradi se vonimi i nisjes së bisedimeve të anëtarësimit të Shqipërinë në bashkimin Europian ishte një gabim historik dhe një mesazh i keq për të gjithë rajonin.
Gjatë konferences së përbashkët me presidentin serb Aleksandar Vucic, zyrtari i lartë amerikan preferoi ta bënte këtë deklaratë në serbisht.
MATTHEW PALMER
I DERGUAR I POSAÇEM I SHBA PER BALLKANIN PERENDIMOR
Pas deshtimit te Bashkimit Europian per te gjetur nje kompromis per hapjen e negociatave per Shqiperine dhe Maqedonine e Veriut per anetaresimin ne Bashkimin Europian, per ne ky ishte nje gabim historik dhe nje mesazh i keq per te gjithe rajonin. Amerika deshiron qe Ballkani Perendimor te kete nje perspektive europiane dhe ne do te bejme maksimumin tone per te bindur lideret e unionit perpasa samitit te Zagrebit ne maj te vitit te ardhshem.
Palmer është pyetur nga mediat rreth përfshirjes së Listës Srpska në Qeverinë e Albin Kurtit.
MATTHEW PALMER
I DERGUAR I POSAÇEM I SHBA PER BALLKANIN PERENDIMOR
Mendoj se ka hapësirë në Kosovë që të dëgjohet vota e shumë palëve dhe është mendim yni që është e rëndësishme që të respektohen rezultatet e zgjedhjeve demokratike.Lista Srpska e ka marrë shumicën e votave të serbëve dhe ata kanë të drejtë që të përfaqësohen. Është me rëndësi që serbët e Kosovës të kenë të drejtë që të shprehen jo vetëm në opinion, por edhe nëpërmjet procesit politik.
Ndërsa presidenti i serbisë Aleksandër Vucic, për herë të parë pas ngrirjes së dialogun me Kosovën është treguar optimist për rifillimin e bisedimeve.
ALEKSANDAR VUÇIÇ
PRESIDENT I SERBISE
Unë besoj se për çështjen e Kosovës brenda dy ose tre muajsh do të kemi kushte për vazhdimin e dialogut, të cilat ne presim të çojnë në një zgjidhje kompromisi. Në takim me Palmer kishim një qasje konstruktive për t’u rikthyer sa më shpejt në dialog me Prishtinën. SHBA e njohën Kosovën, Serbia ka një këndvështrim tjetër, por unë e falënderoj Palmerin që ishte i gatshëm të dëgjojë ato që kemi për të thënë sot. Ne dëshirojmë që dialogu të jetë serioz dhe të çojë në një zgjidhje kompromisi. Serbia është e gatshme për kompromis, por nuk është dhe nuk do të jetë kurrë e gatshme të poshtërojë veten dhe njerëzit e saj.
Sipas kreut të shtetit serb vendi I tij asnjëherë nuk ka parashtruar ndonjë kërkesë ekstreme në tryezën e dialogut me Prishtinën zyrtare.
