Shtetet e Bashkuara te Amerikes kane paralajmeruar ashper Brukselin per qasjen ndaj Ballkanit Perendimor. Zv.ndihmës Sekretari Amerikan i Shtetit, Mathew Palmer ka shfrytezuar nje forum ne Oher per te kritikuar vendimin e Bashkimit Europian per shtyrjen e negociatave per Shqiperine e Maqedonine e Veriut. Zyrtari i larte amerikan ka vene ne dukje se kjo nuk eshte vetem nje çeshtje mes rajonit e Brukselit, pasi prek edhe interesat e Shteteve te Bashkuara.
“Ne jemi të zhgënjyer që çështja e hapjes së konferencave të para ndërqeveritare për Maqedoninë e Veriut dhe Shqipërinë nuk është zgjidhur, pavarësisht angazhimit të fortë të Presidencës portugeze dhe partnerëve të fortë evropianë, pavaresisht zgjidhjeve të arsyeshme qe u propozuan. Sepse sinqerisht kjo prek edhe interesat tona thelbesore.”
Sipas Palmer, eshte kritike qe BE te mbaje angazhimet e saj ndaj rajonit; duke sjelle ne vemendje interesin e shtuar te fuqive te tjera ne rajon.
“Keto vonesa dobesojne influencen tone te perbashket BE-SHBA. Ndersa konkurrentët tane gjeopolitikë kerkojne të minojnë në mënyrë agresive kredibilitetin e SHBA-së dhe BE-së dhe vetë rajoni dyshon në angazhimin tone te perbashket, sfidat vazhdojne te rriten.”
Pergjate gjithe javeve te fundit, SHBA ka mbeshtetur hapjen e negociatave per Shqiperine e Maqedonine e Veriut dhe liberalizimin e vizave per Kosoven; por kjo eshte hera e pare qe nga Departamenti i Shtetit vjen me nje paralajmerim kaq serioz per Brukselin.
