Dy persona kanë humbur jetën gjatë natës në qytetin e Reggio Emilia në Itali.
Shkak për humbjen e jetëve është bërë një zjarr masiv që ka përfshirë një pallat 4 katësh në afërsi të stacionit hekurudhor.
Viktimat janë një burrë dhe grua më kombësi kineze.
Sipas mediave italiane trupat e dy viktimave janë gjetur në shkallët e pallatit në përpjekje për të shpëtuar.
Rreth 40 banorë të pallatit kanë mbetur të asfiksuar nga tymi, mes të cilëve mjaft fëmijë.
Nga të plagosurit, 2 minorenë dhe 1 grua raportohen se janë në gjendje mjaft të rëndë e në rrezik për jetën. Ata janë transportuar me helikopterë në spitalin e Fidenzas.
Në vendngjarje kanë mbërritur menjëherë reparti i zjarrfiksëve dhe i ndihmës së shpejtë.
Ende nuk dihen shkaqet e shpërthimit të zjarrit.