“Paketa e maleve”, Rama thirrje emigrantëve nga Londra: Investoni në Shqipëri!
Gjatë takimit me emigrantët shqiptarë në Londër, kryeministri Edi Rama iu bëri thirrje që të investojnë në Atdhe.
Kreu i vendit tonë, deklaroi se qeveria do të prezantojë “paketën e maleve”, e cila do të lehtësojë emigrantët që të investojnë në zonat malore në vendlindje.
Rama: Unë ju them shqiptarëve që jetojnë jashtë sot, në turizëm apo në ndërtim, investoni në Atdhe. Paketa e Maleve do i japi mundësinë shqiptarëve, me një proces shumë të thjeshtë, dhe pa asnjë taksë për dhjetë vjet, pa patur mundësinë e tapisë, në mënyrë që të ndërtojë ekonomi të re dhe të shtuar për veten dhe të rrisë ekonominë e zonës, duke investuar në çfarëdo linje prodhimi bujqësor. Ju e dini më mirë se kushdo se sa më e vështirë është jeta dhe puna këtu.
Për herë të parë në zgjedhjet 2025 i është i hapur rruga edhe votës së emigrantëve. Më herët, kryeministri Rama ka zhvilluar takime me shqiptarët në Selanik e Athinë, në Itali si edhe në SHBA. /vizionplus.tv
