Kryeministri Edi Rama dhe ministrja e Shëndetësisë, Ogerta Manastirliu, inspektuan këtë të hënë Spitalin Memorial të Fierit, i cili ka filluar të jetë në shërbim të qytetarëve të të gjithë Rajonit të Jugut.
Rama vlerësoi stafin mjekësor të ardhur nga Turqia, duke u shprehur se ky spital do të shërbejë si një qendër e transferimit të dijes.
Kreu i qeverisë vizitoi edhe një pacient, i cili filloi të duartrokiste sapo Rama hyri në dhomë, ndërsa jepte vlerësime për stafin mjekësor dhe kushtet e spitalit të ri.
“O punëtori më i madh i Shqipërisë”, i tha pacienti.
Ndërsa shefi i qeverisë iu drejtua me nota humori mjekëve: “Pse e mbani këtu këtë? Ky qenka në rregull.”
