Te enjten opozita do të kthehet në Parlament duke i dhënë fund bojkotit.
Vendimi është marrë gjatë takimit të kryetarit të PD, Lulzim Basha me aleatët ku është rënë dakord që deputetët të jenë në seance të enjten sepse diskutohet dekreti i Presidentit Meta për buxhetin, por edhe të premten sepse diskutohet vetingu në politikë.
Kryetarja e LSI, Monika Kryemadhi sqaroi për mediat se janë studentët ata që po kthejnë opoziten në Parlament, pasi për kauzën e tyre deputetet do të shkojnë në seancë.
Kthimi i opozitës në Kuvend shpëton edhe deputetet nga djegia e mandateve pasi një pjesë e tyre po arrinin limitin e mungesës në Parlament.
