Edmond Haxhinasto mban numrin 6 nën siglën e LSI, e cila po ashtu përfaqësohet me të njëjtin numër në fletën e votimit.
I pyetur nga gazetari Thimi Samarxhiu në “7 pa 5” në “Vizion Plus” pse duhet votuar për këtë numër, Haxhinasto e përshkruan veten si një politikan që merret me hallet e qytetarëve.
“Numri 6 brenda 6-ës, besoj se unë përfaqësoj atë brez qytetarësh dhe politikanësh që e kanë të rëndësishme t’u shërbejnë qytetarëve siç duhet. Ai është qëllimi i punës dhe besoj se e e kaluara ime ka treguar se ky përkushtim i imi është reflektuar edhe në produktet e punët që kam realizuar.”
Zgjedhjet e të dielës ai mendon se do të fitohen pastër nga opozita, ndërsa për procesin zgjedhor, uron që të ketë një ecuri të qetë.
“Uroj të zgjohet shumë e qetë, një vend ku është bërë një proces i qetë zgjedhor, ku çdo qytetar ka shprehur vullnetin e tij në mënyrë të lirë dhe ky vullet, ashtu siç e perceptoj unë, është një rezultat politik zgjedhor ku opozita fiton pastër dhe e rivendos vendin në një rrugë të sigurtë për të rritur mirëqenien.”
