Gazetari Esido Barkaj raportoi sot në emisionin Live në Mëngjes në Vizion Plus se disa përfaqësues të Policisë së Shtetit janë nisur prej disa ditësh drejt Kolumbisë. Sipas Barkajt, kjo lëvizje bëhet në kuadër të një marrëveshjeje bashkëpunimi mes Policisë shqiptare dhe asaj kolumbiane për luftën kundër trafikut ndërkombëtar të drogës.
Marrëveshja pritet të finalizohet dhe të firmoset gjithashtu nga kreu i Policisë së Shtetit, Iliri Proda. Si pjesë e këtij bashkëpunimi, raporti paralajmëron edhe zhvillime operative përfshirë goditje ndaj disa grupeve kriminale që, sipas deklarimeve, dominohen nga shtetas shqiptarë dhe që veprojnë në vendet e Amerikës Latine.
“Priten edhe zhvillime në drejtim të goditjes së disa grupeve kriminale të drejtuara nga shqiptarë, që veprojnë në Amerikën Latine“, informon gazetaru Esido Barkaj.
/vizionplus.tv
