Një tjetër operacion po zhvillohet nga Policia e Shtetit me Prokurorinë e Tiranës këtë të hënë.
Gazetari i vizion Plus, Esido Barkaj mëson se bëhet fjalë për një megaoperacion nga krimi ekonomik në bashkëpunim me Prokurorinë e Posaçme.
Lexo edhe :
Nga hetimet është zbuluar një rrjet i gjerë për sa i përket mashtrimeve ekonomike dhe me Kriptomonedha.
Sipas njoftimit zyrtar, deri më tani kanë rënë në pranga 17 persona dhe janë kryer kontrolle në 32 ambiente në Tiranë dhe në Shkodër. Këta persona reklamonin në rrjetet sociale që bënin shkëmbim me kriptomonedha.
6 nga masat e sigurisë, janë pronarë exchangesh, që thyenin kriptomonedhat në ambientet e tyre, ndërsa personat e tjerë janë bashkëpunëtoret e tyre, ose individë që e reklamonin një veprimtari të tillë në rrjetet sociale.
Kontrollet janë bërë në lagjet e Tiranës si Vorë, Laknas, Kamëz, Fushë Krujë, Mëzez, Kashar, Fresk.
“Si rezultat i një hetimi disamujor, me metoda speciale, po zhvillohet sot, operacioni policor i koduar “USDT-1”.
Zhvillimi i këtij operacioni, rezultat i punës së mirorganizuar të Drejtorisë për Hetimin e Krimit Kibernetik së DPPSh-së, në bashkëpunim me Drejtorinë e Forcës së Posaçme Operacionale dhe me Drejtorinë Vendore të Policisë Tiranë.
Deri tani, në kuadër të këtij operacioni, është ekzekutuar masa e sigurisë “Arrest në burg”, e caktuar nga Gjykata e Tiranës, për 17 shtetas, si dhe janë kryer kontrolle në 32 ambiente në Tiranë dhe në Shkodër.
Në cilesinë e provës materiale, janë sekuestruar pajisje kompjuterike, celularë dhe shuma të konsiderueshme parash.
Operacioni është në vijim”, njofton policia. /vizionplus.tv
