Rritet sasia e drogës së kapur ne operacionin masiv. Behet fjale për afro 17 tone kanabis te sekuestruar, ndërsa në pranga deri tani kane renë 12 persona, mes tyre dy efektivë policie e një kryeplak.
Pjesa më e madhe e hashashit të presuar prej 15.6 tonësh u gjet ne dy banesa private në fshatin Llakatund të Vlorës. Gjatë ndërhyrjes, policia shoqëroi disa persona të cilët jetonin aty.
Për sasinë rekord të drogës në Vlorë shkoi dhe drejtori i përgjithshëm i policisë Haki Çako.
Gjate operacionit, i cili u zhvillua dhe ne qytetet e Përmetit, Elbasanit, Shkodrës, Tiranës, Krujës e Kukësit janë shoqëruar dhe dy inspektorët Lirim Lamaj dhe Avdyl Sinanaj, të cilët dyshohet se dekonspiruan ndërhyrjen e uniformave blu. Veç kësaj në shtëpinë e inspektorit Lirim Lamaj u gjetën dhe 270 bimë kanabis të mbjella. Në pranga ra dhe kryeplaku i fshatit Drithas ne Vlorë Balil Gjata, i cili nuk kishte raportuar në organet kompetente.
Në të njëjtën kohë gjatë operacionit, një tjetër sasi e konsiderueshme u sekuestrua në Kavajë. 1 ton e 360 kilogramë drogë u kapën në dy automjete tip furgon në afërsi të Karpenit. Policia sekuestroi dhe një skaf, i cili po rimorkiohej nga një traktor pa targa. Mjeti lundrues 7 metra i gjatë me dy motor me nga 200 kuaj fuqi do të bënte transport të kanabisit drejt Italisë, ndërsa policia ka shoqëruar drejtuesin e traktorit.
Grupi hetimor gjeti të fshehura 5 armë zjarri kallashnikov, vaj hashashi, por dhe lëndë të cilat shërbenin jo vetëm për presimin e drogës, por edhe të përpunimit të saj duke i dhënë formën e çokollatës. Per drogën e sekuestruar reagoi dhe Ministri i Brendshëm, Dritan Demraj me një mesazh falenderues për Policinë e Shtetit. Sipas Demirajt, suksesi i sekuestrimit te shume tonelatave kanabis ne Vlore dhe mbare Shqipërinë do te jete modeli i punës së policisë, deri ne pastrimin e plote te territorit nga hashashi.
