Roja Bregdetare Amerikane njoftoi të enjten se të pesë personat që ishin në bordin nëndetëses Titan kanë humbur jetën.
Njoftimi vjen pas një deklarate të kompanisë amerikaë ‘OceanGate Expeditions’,që kishte prodhuar nëndetësen, e cila shprehu keqardhje për vdekjen e 5 personave dhe ngushëllime për familjarët e tyre.
Autoritetet amerikane dolën në këtë përfudnim paso një robot kërkimi zbuloi mbetjet e nëndetëses e cila dyshohet se për shkak të një problemi teknik shpërtheu nën ujë. Copat e gjetura të metalit dëshmojnë për humbje katastrofike oksigjeni në dhomën e presionit të nëndetëses.
Megjithatë Roja Bregdetare tha se do të vazhdonte kërkimet në zonën ku u gjetën mbetjet e mjetit nënujor.
Në bordin e nëndetëses ndodhej eksploruesi francez Paul-Henri Nargeolet, një ish oficer i marinës Stockton Rush, themelues dhe shef ekzekutiv i kompanisë OceanGate Expeditions, miliarderi britanik Hamish Harding si dhe një biznesmen me origjinë pakistaneze dhe djali i tij 19-vjeçar. Secili nga këta pasagjerë kishte paguar një biletë prej 250 mijë dollarësh për udhëtimin në fund të oqeanit që iu mori jetën të pestë burrave.
Nëndetësja u zhyt në atlantik të dielën në orën 8 të mëngjesit në afërsi të brigjeve kanadeze dhe humbi kontaktet me anijen që e shoqëronte rreth 2 orë më vonë.
