OBSH ka miratuar përdorimin e vaksinës kineze të kompanisë Sinovac, Coronavac.
Përmes një postimi në “Facebook”, ministrja e Shëndetësisë, Ogerta Manastirliu ka publikuar vendimin e Organizatës Botërore të Shëndetësisë.
“LAJM I MIRË. OBSH miraton përdorimin emergjent të vaksinës së kompanisë Sinovac, CoronaVac Covid-19, duke garantuar që plotëson standardet ndërkombëtare të sigurisë, efikasitetit dhe prodhimit.”
OBSH deklaroi se vaksina ka rezultuar efikase dhe do të lejohet të dorëzohet në porgramin Covax, për t’u shpërndarë në vendet e varfra, të cilat janë në krizë për vaksina.
