Ish-deputeti i Partisë Demokratike, Genc Pollo ka reaguar lidhur me intervistën e kryeministrit Edi Rama dhënë pë AFP-në, ku tha se Shqipëria “nuk do të qëndrojë në derën e Evropës dhe të qajë”.
Përmes një postimi në “Facebook”, Pollo shkruan se arroganca e kreut të shtetit me Evropën do e vështirësojë akoma edhe më shumë rrugën e Shqipërisë drejt BE-së.
Mes të tjerash, Pollo theksoi se në vend që të fliste për reformat, kryeministri bënte rolin e të “fortit”.
“Fare mirë mund të kishte thënë se “do të përmbush kushtet e Bundestagut si p.sh do të bëj zgjedhje parlamentare mbas miratimit të reformës zgjedhore; do të çoj për ndjekje penale ofiqarë rilindistë që kanë vjedhur votata etj, etj. Jo vetëm se i shërbejnë vendit por edhe se çelin portën e Bashkimit Europian”. Nuk e thotë këtë por bën të fortin. Mbas përfshirjes së qeverisë në korrupsion të lartë e krim të organizuar arroganca me ” nuk qaj tek dera jote” e vështirëson më tej integrimin europian të Shqipërisë.”
