Kancelaria gjermane Angela Merkel nuk pajtohet me qëndrimin e kryeministrit hungarez Viktor Orban për krizën e emigrantëve. Gjatë një konference shtypi të tensionuar me Orban në Berlin, Merkel theksoi përgjegjësitë që Evropa ka ndaj emigrantëve.
“Ne nuk duhet të harrojmë kurrë se kjo është për njerëzit. Ka të bëjë me njerëzit që vijnë tek ne dhe kjo ka të bëjë me mesazhin themelor të Evropës: njerëzimin. Unë besoj se shpirti i Evropës është njerëzimi dhe nëse duam ta mbajmë këtë shpirt dhe të luajmë një rol kyç në Evropë, atëherë Evropa nuk mund të çrrënjoset thjesht nga nevoja dhe vuajtja”.
Por kryeministri hungarez i cili që prej vitit 2015 e ka pozicionuar veten si kundërshtar i Merkel në politikën e emigrimit, tha se Europa e tregoi njerëzimin dhe akuzoi se çdo politikan evropian që u jep shpresa për një jetë më të mirë emigrantëve në Evropë, është i papërgjegjshëm.
“Ne duhet të jemi njerëzorë pa krijuar një faktor tërheqës dhe e vetmja mënyrë që ne e dimë ta bëjmë është mbyllja e kufijve dhe marrja e ndihmës, dhe moslejimi i njerëzve që sjellin probleme. Çdo politikan evropian që u jep shpresa për një jetë më të mirë emigrantëve dhe i inkurajon ata të lënë gjithçka dhe duke rrezikuar jetën e tyre të vijnë në Evropë, është i papërgjegjshëm. Nëse Evropa nuk do të kthehet në rrugën e arsyes, atëherë do t’i nënshtrohet fatit”.
Kryeministri Hungarez theksoi se vendi I tij mund të marrë një aksion të madh duke mos lejuar asnjë emigrant ilegal të hyjë në territorin e tij.
Viktor Orban vizitoi Berlinin për here te pare qe pas muajit maj të vitit 2014, kur kancelaria Merkel hapi dyert për emigrantët. Ai u bë kryeministri i parë i një vendi europian i cili dha urdhër për ngritjen e gardheve me tela me gjemba në kufi, në mënyrë që refugjatët të mos i afroheshin dot Hungarisë.
Ndërkohë edhe Austria ka ngritur shqetësime për shkak të kaosit të vazhdueshëm, duke kërcënuar me mbylljen e kufijve nëse Italia e bën një hap te tille.
