Kolegji i Posaçëm të Apelimit ka vendosur të lë në fuqi vendimin e marrë në KPK për të shkarkuar gjyqtarin e krimeve të rënda, Luan Hasneziri. Shkak është bërë mosjustifikimi i pasurisë.
Hasnezirit i krijoi probleme një apartament i blerë në vitin 2006 dhe i paguar me një skemë të komplikuar që përfshin hua, kredi bankare dhe një kontratë noteriale. Po ashtu, problem rezultoi për të edhe mosdeklarimi në formularin për kontrollin e figurës së refuzimit të një vize për të udhëtuar në SHBA.
Luan Hasneziri e ka filluar karrierën në sistemin shqiptar të drejtësisë në vitin 1999 si gjyqtar i Gjykatës së Tiranës dhe më pas në Vlorë. Ai u emërua gjyqtar i Krimeve të Rënda në vitin 2005.
