Monika Kryemadhi pas daljes nga seanca e Apelit të GJKKO u shpreh se nuk i ka kërkuar takim Metës. Ajo tha se marrdhënia bashkëshortore me të ka mbaruar, teksa shtoi se fëmijët janë të rritur dhe po e përballojnë shumë mirë.
“Nuk i kam kërkuar takim Metës. Marrëdhënia ime me të ka mbaruar. Janë procese që i kalojmë që të gjithë. Në marrëdhënie me fëmijët janë të rritur tashmë, nuk ka arsye të bëjnë ndarje mes nënës dhe babait. Nuk janë ndryshe nga fëmijët e tjerë. Do kalojnë, do i përballojnë”, tha Kryemadhi.
Lexo edhe :
Related Posts
Monika Kryemadhi paraljmëroi se shumë shpejt do të bëjë disa kallëzime shumë të bukura, por pa përmendur shumë detaje.
“Po, do bëjë disa kallëzime shumë të bukura, për të gjithë”, shtoi ajo.
Deputetja e Partisë së Lirisë, Monika Kryemadhi po hetohet nga SPAK për tre akuza pastrim parash, korrupsion dhe mosdeklarim pasurish në lidhje me dosjen e CEZ DIA dhe lobimin e LSI-së në SHBA. Po për këtë dosje po hetohet edhe bashkëshorti i saj, Ilir Meta, i cili aktualisht është në burg. /vizionplus.tv
