Kryeministrja e Italisë Georgia Meloni ka reaguar pas vendimit të sotëm të Gjykatës së Romës, e cila vendosi që 12 emigrantët që ndodheshin në Shqipëri të rikthehen në Itali, me pretendimin se ata vinin nga vende jo të sigurta.
Gjatë një deklarate nga Bejruti, Meloni theksoi se është shumë e vështirë të punosh kur të bëjnë opozitë institucionet, ndërsa theksoi se nuk është në kompetencën e gjyqësorit, por në atë të qeverisë që të përcaktojë se cilat vende janë të sigurta dhe cilat jo.
Lexo edhe :
Related Posts
“Është e vështirë të punosh me opozitën e institucioneve. Është shumë e vështirë të punosh dhe të përpiqesh t’i japësh përgjigje këtij kombi kur ke edhe kundërshtime nga disa prej institucioneve që duhet të ndihmojnë për të dhënë përgjigje. Unë nuk mendoj se është përgjegjësi e gjyqësorit të përcaktojë se cilat vende janë të sigurta dhe cilat jo. Është përgjegjësi e qeverisë, kështu që mendoj se qeveria duhet të sqarojë më mirë se çfarë do të thotë një vend i sigurt”, dekalroi Meloni.
Accordo con l’#Albania: gli italiani mi hanno chiesto di fermare l’immigrazione illegale, e farò tutto il possibile per mantenere la parola data e fermare la tratta di esseri umani. pic.twitter.com/pMhjw3M125
— Giorgia Meloni (@GiorgiaMeloni) October 18, 2024
Meloni do të thërrasë ditën e hënë qeverinë për të diskutuar mbi vendimarrjen.
Ndërkohë Ministri i Brendshëm, Matteo Matteo Piantedosi tha se “vendimi do të apelohet deri në Gjykatën e Kasacionit. Ne do të vazhdojmë me atë që Italia po arrin në Shqipëri dhe më tej do të bëhet ligj europian”.
Kujtojmë që mediat italiane kanë raportuar se 12 emigrantët dop të rikthehen ditën e shtunë në Itali.
