Restauranti “Noma” i kuzhinierit René Rexhepi në Kopenhagen shpallet më I miri në botë në garën mes 50 restorantëve më të famshëm.
Rexhepi kështu hyn në sallën e “The Best of the Best”, pasi është hera e pestë që Noma ka fituar garën e 50 restoranteve më të mira në botë, pas 2010, 2011, 2012 dhe 2014. Këtë vit, për më tepër, restoranti u nderua me titullin e restorantit më të mirë në Evropë për vitin 2021 .
Wlliam Drew , drejtor i përmbajtjes për 50 Restorantet më të Mirë në Botë, tha: “Noma ishte padyshim restoranti më me ndikim në gjeneratën e tij, duke vendosur standarde të reja përsa i përket kërkimit dhe përzgjedhjes së përbërësve, zhvillimit dhe prezantimit të pjatave. Është bërë një nga destinacionet më të kërkuara të kuzhinës nga konsumatorët në të gjithë botën dhe ne jemi të lumtur ta shpallim atë si Nr.1 të këtij viti.
Interesant është fakti që në listën e këtij viti, në vendin dytë u rëndit një tjetër restorant në Kopenhagen, ndërsa në dhjetëshen e parë janë dy restorante spanjollë, dy peruanë dhe të tjerët nga Suedia, Singapori , Meksika dhe Hong Kongu.
Shqiptaro-danezit Rene Rexhepi (Redzepi) është 43 vjec. Ai nisi të lidhej me kuzhinen që në moshën 15 vjec kur la shkollën e mesme dhe u regjistrua në shkollën e kuzhinës. Pasi pati disa eksperienca në Danimarke dhe Francë, në vitin 2004 u hap restoranti “Noma” , ku Rexhepi ishte kuzhinier kryesor.
Djali i Aliut dhe Hanës, Rene Rexhepi vizitoi Shqipërinë në 100 vjetorin e Pavarësisë .
Renditja e 50 Restoranteve më të Mirë në Botë ( 10 të parët)
1 Noma, Kopenhagen, Danimarkë
2 Geranium, Kopenhagen, Danimarkë
3 Asador Etxebarri, Atxondo, Spanjë
4 Qendrore, Lima, Peru
5 Disfrutar, Barcelona, Spanjë
6 Frantzen, Stokholm, Suedi
7 Maido, Lima, Peru
8 Odette, Singapor
9 Pujol, Mexico City, Meksikë
10 Kryetari, Hong Kong
