Kandidati për deputet i PD, Flamur Noka vizitoi një familje në Bathore, që ankohet se qeveria gjobit pensionistët. Noka tha se kjo është e papranueshme dhe premtoi se gjërat do të ndryshojnë me ardhjen në pushtet të PD.
“Rilindja jo vetëm që nuk kujdeset për qytetarët, por ai që nuk ka as bukë për të ushqyer fëmijët, që nuk ka përkrahje dhe mbështetje, futet në burg pse vendos çatinë që të mos flenë fëmijët në ujë, ndërkohë që ata për vete vjedhin miliarda. Kjo është fytyra e këtij regjimi. Ne do të bëjmë ndryshimin dhe më 25 prill do të vijë një qeveri e njerëzve dhe për njerëzit. Nuk mund të jetë pushtet normal ai që gjobit dhe burgos hallexhiun. Kjo është e papranueshme.”
Drejtuesi politik i Kamzë e siguroi familjen e pensionistëve se me marrjen e drejtimit të qeverisë nga PD, një nga vendimet e para do të jetë rritja e pensioneve dhe dyfishimi i ndihmës ekonomike.
