Gjykata e Tiranës ka vendosur masën burg pa afat për Noel Dishi, autori i vrasjes së Vilson Tafçiut, krim i ndodhur te hënë në zonën e Astirit në Tiranë.
Në seancën me dyer të mbyllura, gjyqtari Altin Abdiu pranoi kërkesën e prokurores Anisa Qivini dhe la në burg pa afat te riuen nën akuzën ‘vrasje me dashje’.
Autori ka dhënë detaje per ngjarjen diten qe u vetedorezua duke thene se me Tafçiun kishte pasur një debat. Duket ky ka qënë shkaku i vrasjes, pasi autori qarkullonte me pistoletë në brez.
“Debatuam dhe Vilsoni më tha se ‘do ta bëj më keq se sa ta kanë bërë. Do të mbaj në bagazh të makinës dhe do ta thyej kokën’. Më pas edhe më shau. Tentova të largohesha, por ai vijonte me të njëjtën mënyrë. Atëherë e kam qëlluar. U trondita kur kuptova se çfarë bëra. Pasi e qëllova, u largova. Por asnjëherë nuk kam dashur që të vras shokun tim të fëmijërisë”.
Dy shokët e fëmijërisë kanë patur përplasje edhe më përpara për shkak të pazareve të lëndëve narkotike. Autori Noel Dishi njihet edhe me dy emra të tjerë Noel Kolaveri dhe Miklovan Prifti.
Ndërsa viktima Vilson Tafçiu i cili njihej edhe me mbiemrin Noka, ishte arrestuar në Francë për trafik droge në mars të vitit 2018, ku kishte qëndruar në paraburgim për 8 muaj dhe më pas ishte deportuar drejt vendit tonë në nëntor të vitit të 2018.
Tafçiu ishte skeduar edhe nga policia shqiptare për drogë, por nuk ishte marrë i pandehur asnjëherë, pasi dyshimet nuk janë faktuar.
