Çmimi “Nobel” në fizikë për vitin 2023 iu është dhënë shkencëtarëve Pierre Agostini, Ferenc Krausz dhe Anne L’Huillier.
Treshja fituese nderohet për zbulimin që i hap rrugën ekzaminimeve të ndryshimeve të molekulave në një nivel të ri.
Ata kanë kryer eksperimente të cilat kanë prodhuar impulse drite aq të shkurtra sa mund të maten në atosekonda. Përmes këtyre impulseve mund të sigurohen pamje të proceseve brenda atomeve dhe molekulave.
Me fjalë më të thjeshta ky zbulim do të bëjë të mundur që disa sëmundje, për shembull, kanceri i mushkërive të zbulohet shumë më thjesht dhe më shpejt se me metodat aktuale.
Anne L’Huillier është gruaja e pestë në histori që fiton një çmim “Nobel” në fizikë.
Të tre shkencëtarët do të ndajnë me njëri-tjetrin certifikatën e çmimit “Nobel” dhe shumën prej rreth 1 milionë eurosh.
Çmimi, i shpallur në kryeqytetin suedez Stokholm këtë të martë, është “Nobeli” i dytë i sezonit pas shpalljes së çmimit “Nobel 2023” në Fiziologji ose Mjekësi të hënën.
