Policia e Vlorës ka arrestuar dy persona, të cilët akuzohen për vjedhje.
Në pranga ra shtetasi L. Gj., 52 vjeç, banues në Fier. Ky shtetas dyshohet se gjatë periudhës dhjetor 2024 – janar 2025, ka vjedhur në mënyrë të përsëritur para (në total 100 000 lekë), në lokalin e shtetasit L. C.
Gjithashtu u arrestua 34-vjeçari G. L, banues në Vlorë, sepse më datë 13.02.2025, në lagjen “Osman Haxhiu”, i ka vjedhur celularin një turisti amerikan.
Pas reagimit të menjëhershëm të shërbimeve të Policisë, u bë i mundur identifikimi dhe kapja e autorit, si dhe sekuestrimi i celular të vjedhur. /vizionplus.tv
