Një incident ka ndodhur mbrëmjen e sotme në Fier, ku pjesëtarët e Byrosë Kombëtare të Hetimit janë përplasur me njerëz të ish-kryebashkiakut të Mallakastrës, Agron Kapllanaj.
Avokati Marash Logu tha nga studio e Quo Vadis se është në dijeni se prej ditësh Altin Dumani ndodhet në Fier dhe po monitoron situatën.
Lexo edhe :
Related Posts
Ai shtoi se shumë emra të rëndësishëm të politikës janë kandidatë në Fier, gati 50% e shtetit, çka ka bërë që vetë Dumani të jetë në terren në këtë zonë të nxehtë.
“Ka disa ditë që z. Dumani, së bashku me një grup hetuesish të BKH-së ndodhet atje sepse, siç e dini, Fieri është një qark i rëndësishëm dhe një zonë e nxehtë. Në Fier është përqendruar gati 50% e shtetit, për shkak të atyre që janë kandidatë të Partisë Socialiste. Kemi zv.ministren dhe ministren e Infrastrukturës, ministrin e Financave, një zv.ministër tjetër po ashtu të rëndësishëm, dy drejtorë dhe, sigurisht, edhe për shkak të peshës politike që kanë këta kandidatë. Si pasojë, Dumani këto kohë është në Fier, duke vëzhguar nga afër situatën në terren që po ndodh”, tha Logu.
/vizionplus.tv
