Nga ndërtesa më e lartë në botë, Burj Khalifa në Dubai sekondat e fundit të vitit që lamë pas u shoqëruan me një shfaqje spektakolare fishekzjarrësh. Mesazhet që pushtuan ndërtesën, u ndoqën live nga ekranet, ndërsa turmat e njerëzve, brohoritjet dhe përqafimet i munguan atmosferës së përvitshme.

Edhe Europa e mbështjellë me hijen e pandemisë, mirëpriti vitin e ri pa ceremonitë e zakonshme zyrtare. Forcat e sigurisë qëndruan në gatishmëri për të shmangur festimet në grup.

Kryeministri grek, Kyriakos Mitsotakis bëri thirrje për kujdes të shtuar dhe shfrytëzoi urimin e tij për ti kërkuar qytetarëve të vaksinohen.

 

KYRIAKOS MITSOTAKIS

KRYEMINISTER I GREQISE

“Është koha të kalojmë me pjekuri urën midis fundit të luftës kundër koronavirusit dhe fillimit të betejës për përparim, një rrugë me kurthe, të cilën ne duhet ta kalojmë me ngadalë dhe siguri. Vaksina kundër Covid-19 është dhurata e Vitit të Ri 2021, dhe dhurata jonë në këmbim duhet të jetë ta pranojmë atë plotësisht, si vetëmbrojtje dhe solidaritet ndaj të dashurve tanë.”

 

Porta e Brandenburgut në Berlin, ku gjithmonë mblidhen me qindra mijëra njerëz dhe festojnë, ishte kryesisht bosh, ndërsa pati një shfaqje të vogël fishekzjarrësh. Kancelarja Angela Merkel në mesazhin e saj nënvizoi se pandemia dhe përballimi i saj paraqet detyrën e shekullit në anën politike, shoqërore dhe ekonomike.

 

ANGELA MERKEL

KANCELARE E GJERMANISE

“Këto ditë dhe javë, nuk ka asgjë për të zbukuruar, janë kohë të vështira për vendin tonë. Dhe do të jetë kështu për një periudhë. Në 2020-n erdhi tek ne diçka, të cilën bota nuk e kishte llogaritur. Një virus, deri më atëherë i panjohur depërton në trupat tanë, në jetët tona. Ai na godet aty, tek më njerëzorja, në kontaktin e ngushtë, në përqafime, në festime. Mendoj se nuk e ekzagjeroj nëse them se viti që lamë pas ishte më i vështiri që kam përjetuar në këto 15 vjet.”

 

 

Franca e heshtur si asnjëherë më parë ndërsa festimet publike ishin të ndaluara edhe në Itali. Aktivitetet muzikore u ndoqën përmes ekraneve ndërsa Roma ka ndaluar fishekzjarrët deri me 6 janar.

 

Në Moskë u mbajt shfaqja tradicionale e fishekzjarrëve në Kremlin, por njerëzit qëndruan në shtëpi.

 

Leave a Reply

Your email address will not be published.