Atletico Madrid nuk shkoi më shumë se një barazim 2-2 përballë Levantes në një sfidë, ku protagonist absolut ishte futbollisti shqiptar Enis Bardhi.
Madrilenët e nisën mirë takimin kur Grizman kaloi në avantazh skuadrën pas një rrëmuje në zonë. Megjithatë, vendasit nuk u dorëzuan këtu dhe pas një faulli në zonë të Suarez, gjyqtari akordoi penallti për Levanten, që u kthye lehtësisht në gol nga shqiptari Enis Bardhi.
Edhe fraksioni i dytë ishte me ritëm të lart nga të dyja skuadrat. Pas shumë tentativash, Atletico shënoi dhe golin e dytë me Mathies Cunha, çfarë bëri që tek madrilenët të shpërthente festa. Mirëpo asgjë nuk kishte mbaruar këtu, pasi sërish Enis Bardhi u tregua i saktë nga 11 metërshi dhe i dha goditjen e dytë skuadrës së Simeones pak para se të mbyllej çdo gjë.
Pas këtij barazimi Atletico gjendet në vendin e gjashtë me 19 pikë, ndërsa Levante mbetet e parafundit në klasifikim dhe me objektivin kryesor për të qëndruar në La Liga .
