Çfarë e bëri liqenin të kthehej ngjyrë rozë? Kjo ishte pyetja në mendjet e njerëzve në të gjithë Indinë pasi Liqeni Lonar në shtetin e Maharashtra papritmas ndryshoi ngjyrat ditët e fundit.
Ekspertët besojnë se ndryshimi mund të ketë ndodhur për shkak të rritjes së kripës në ujë, pranisë së algave ose një kombinimi të të dyjave.
Gajanan Kharat, një gjeolog lokal, tha se kjo ka ndodhur më parë, por nuk ishte aq e spikatur.
“Po duket veçanërisht e kuqe këtë vit sepse këtë vit kripësia e ujit është rritur. Sasia e ujit në liqen është zvogëluar dhe liqeni është bërë i cekët, kështu që kripësia është rritur dhe ka shkaktuar disa ndryshime të brendshme”.
Kharat tha që studiuesit po hetojnë gjithashtu nëse prania e algave të kuqe shkaktoi ndryshimin e ngjyrës. Mostrat janë dërguar në disa laboratorë.
Liqeni, i cili ndodhet rreth 500 kilometra në lindje të Mumbait, i formuar pasi një meteor goditi Tokën rreth 50,000 vjet më parë.
