Një i infektuar dhe 87 të shëruar nga koronavirus sot në Kosovë

Kosova ka regjistruar të martën 1 person të infektuar me koronavirus, nga 220 teste të kryera. Rasti pozitiv është rast kontakti nga komuna e Mitrovicës.

Instituti Kombëtar i Shëndetit Publik në Kosovë ka raportuar 87 persona të shëruar nga koronavirusi.

Deri më tani, në Kosovë janë shënuar në total 856 persona të infektuar, 490 të shëruar. Ndërkohë, 26 persona kanë humbur jetën.