Çerdhja numër 16 në zonën e ish-Bllokut është mbyllur këtë të hënë, ndërsa stafi do futet në karantinë për 14 ditë. Shkak është bërë dyshimi se një pjesëtar i stafit është prekur me koronavirus.
Hetimi epidemiologjik nga Instituti i Shëndetit Publik pritet që të zbulojë nëse ka ose jo të infektuar me virus. Ky lajm është konfirmuar edhe nga drejtoresha e Çerdheve dhe Kopshteve në Bashkinë e Tiranës, Zhaneta Beqiri.
Ajo deklaroi se po ndiqet një protokoll strikt për garantimin e higjienës.
Ditët e fundit, numri i të prekurve me koronavirus është rritur ndjeshëm. Vetëm këtë të hënë, Ministria e Shëndetësisë raportoi 69 raste të reja me virus, shifra më e lartë që nga fillimi i pandemisë.
