Tre pjestarë të një familjeje janë arrestuar dhe një tjetër është shpallur në kërkim nga policia e Fierit pasi ushtronin aktivitetin kriminal të përpunimit dhe shitjes së heroinës e kokainës.
Shtetasti e arrestuar janë:
T., 47 vjeç, banues në Bishanak, Fier (i dënuar më parë për grabitje me dhunë)
T., 22 vjeç (djali i I. T), banues në Bishanak, Fier
T, 51 vjeçe (kunata e I. T), banuese në Bishanak, Fier
Gjithashtu është shpallur në kërkim shtetasi Z. T., 55 vjeç, pasi dyshohet se është bashkëpuntor I tre personave të arrestuar.
Gjatë operacionit të zhvilluar policia gjeti në banesat e këtyre shtetasve dhe sekuestroi rreth 1,4 Kg Heroinë dhe rreth 1 Kg lëndë Kokainë. Një pjesë e Heroinës, sipas policisë, ishte e ndarë në doza të vogla gati për shitje.
Gjithashtu në cilësinë e provës materiale u sekuestrua dhe 1 armë gjahu pa leje.
Policia ka bërë me dije se krahas shtetasve të mësipërm ka proceduar penalisht në gjendje të lirë dhe dy shtetas të tjerë.
