Personi i parë i diagnostikuar me koronavirus në Shtetet e Bashkuara të Amerikës është duke u trajtuar nga disa mjekë dhe një robot. Roboti, i pajisur me një stetoskop, po i ndihmon mjekët në procesin e analizave dhe që të komunikim me pacientin përmes një ekrani të madh.
Dr. George Diaz tha se burri, i cili është në të 30-at, u diagnostikua me virus të hënën. Ai fillimisht shkoi në një klinikë më 19 janar dhe i tha stafit mjekësor se mund të ishte infektuar me virusin vdekjeprurës sepse i ishin shfaqur disa simptoma dhe sepse kohët e fundit kishte udhëtuar në Wuhan.
Autoritetet në Uashington konfirmuan të enjten se me 30-vjeçarin kanë patur kontakt edhe 43 persona të tjerë, të cilaët po mbahen nën vëzhgim.
Ai po mjekohet në izolim total dhe për këtë arsye po përdoret edhe roboti për të ndihmuar në këtë proces. “Infermierët në dhomë e lëvizin robotin në mënyrë që të mund ta shohim pacientin në ekran, t’i flasim”, tha Diaz, duke shtuar se përdorimi i robotit minimizon ekspozimin e stafit mjekësor te pacineti.
