Policia ka dalë me një njoftim zyrtar për aksidentin me pasoja tragjike në Rrugën e Kombit, ku një fëmijë humbi jetën.
Në njoftim theksohet se nga përplasja e dy automjeteve, ka ndërruar jetë një i mitur 3-vjeçar, i cili po udhëtonte me prindërit.
Nga aksidenti ka marrë dëmtime serioze edhe drejtuesi i automjetit tjetër, i cili është transportuar në spitalin e Traumës. Mësohet se mjeti me të cilin po udhëtonte ky i fundit u përfshi nga flakët.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
