Presidenti shqiptar Bujar Nishani, ia beri te qarte homologut maqedonas Gjorgje Ivanov, gjate nje takimi ne Forumin e 5 Global ne Baku, se shqiptaret ne Maqedoni jane faktor shtetformues dhe se Shqipëria do t’i mbështes në kërkesat e tyre legjitime për respektim dhe zbatim të plotë të Marrëveshjes së Ohrit. Nishani shprehu shqetësimin per situatën politike dhe marrëdhëniet ndëretnike ne Maqedoni, duke tërhequr vëmendjen se përpjekjet per ta shndërruar krizën nga politike ne etnike, mund te ketë pasoja të rënda për të gjithë.
Presidenti Ivanov refuzon t’i japë liderit socialdemorkat Zaev mandatin për formimin e qeverise, pasi kundërshton platformën shqiptare, qe sipas tij, e vendos Maqedoninë nen nënshtrimin e nje vendi tjetër, por Nishani ka deklaruar se Shqipëria nuk ka ndërhyre dhe nuk do te ndërhyje asnjëherë ne punët e brendshme te shteteve te tjera dhe aq me pak te fqinjëve.
Ndërkaq, ne pamundësi per te marre mandatin nga Ivanov, LSDM po përpiqet te mbledhë Parlamentin per te vijuar seancën konstituive. Ende nuk dihet se kur do te mbahet seanca, por partia e Zaev do t’i dorëzojë kryeparlamentarit ne detyre Veljanovski firmat e 67 deputeteve, siç ia dorëzoi ato Presidentit.
Partitë do të propozojnë emrat e kandidatëve për Komisionin për Zgjedhje dhe Emërime dhe do të vazhdojnë seancën per zgjedhjen e kryetarit te ri, qe do te njoftoje presidentin per formimin e shumicës parlamentare dhe do të kërkojë mandatin për qeverinë e re. Mediat njoftuan gjithashtu se Ivanov ka anuluar vizitën e paralajmëruar ne Australi.
