Pas shumë diskutimeve dhe pezullimit, ka rinisur të numërohet vota e emigrantëve shqiptarë të ardhur nga shteti grek.
Procesi i rinumërimit është komentuar nga kryekomisioneri Ilirjan Celibashi, i cili gjatë një konference për mediat deklaroi se e gjithë kjo pritet të mbyllet shpejt dhe pa ndërprerje, ndërsa do të vijohet me votat preferenciale për kandidatët.
Sipas kryekomisionerit, brenda vendit janë 55,519 vota të pavlefshme, ndërsa në diasporë janë 1,666 vota të pavlefshme. Sipas Celibashit, Partia Demokratike nuk ka sjellë prova për kontestimet se janë vjedhur votat, dhe se koha për t’i paraqitur nuk ka përfunduar.
Komisioneri u bëri thirrje subjekteve zgjedhore që kanë kontestuar për rezultatin, të paraqesin prova për shkelje të ligjit dhe pastaj të vlerësohen nga instancat përkatëse nëse ekzistojnë apo jo pretendime dhe nëse nga këto shkelje të ligjit kanë ndikuar në rezultat.
Sipas Celibashit, 9 kuti janë të parregullta. Ka dokumentacion jo të rregullt të ardhur nga jashtë. Ka pasaktësi për 109 fletë votimi. Disa votues nga jashtë nuk kanë dorëzuar zarfin B, vetëm atë A.
Janë 1,462,352 fletë votimi të gjetura në kuti. Janë 1,462,461 votues të shënuar në procesverbalet që komisionerët e qendrave të votimit kanë përpiluar, ka një diferencë me 109 fletë mes tyre.
Mes numrit të zgjedhësve dhe numrit të fletëve të votimit, ndërsa KQZ po kryen verifikimet se ku është gabimi në të gjithë territorin.
Nga votat e diasporës, deri tani janë 159,921 vota të vlefshme, ndërsa 1,666 vota të pavlefshme deri më tani.
Celibashi e quajti këtë proces tepër të ngarkuar, duke u shprehur se brenda të dielës mund të ketë mbaruar i gjithë numërimi dhe të jetë shpallur rezultati edhe për listat e hapura.
/vizionplus.tv
