Nis procesi gjyqësor në ngarkim të Tom Doshit, Durim Bamit dhe Mark Frrokut ne Gjykatën e Larte lidhur me pretendimin per eliminimin fizik te deputetit te Shkodrës. Ne seancën, e cila zgjati rreth 2 orë, Prokuroria ka kërkuar marrjen në pyetje si dëshmitarë te rreth 53 personave, ku spikasin emrat e Ilir Metes, Sali Berishes, Edi Rames, Saimir Tahirit dhe Spartak Brahos.
Ndërsa mbrojtja kërkoi dhe pyetjen e kryeprokurorit Adriatik Llalla. Frroku, Doshi e Bami akuzohen per kallëzimi të rremë nga Prokuroria e Përgjithshme. Me herët, mbrojtësit e Mark Frrokut kishin kërkuar veçimin e çështjes ne nje tjetër Gjykate, pasi ai nuk është me deputet, por kjo kërkesë u hodh poshtë nga trupi gjykues. Vendimi nëse do te merren ose jo dëshmitë e Metes, Rames Berishes etj, do te merret me 17 maj.
