28 subjektet politike që do të garojnë në zgjedhjet e parakohshme parlamentare të 14 shkurtit në Kosovë, kanë nisur zyrtarisht fushatën elektorale këtë të mërkurë.
Menaxhimi i pandemisë dhe rimëkëmbja ekonomike kanë qenë kryefjala e programeve të prezantuara, raporton Vizion Plus.
Ndërkohë, Albin Kurti do të qëndrojë në krye të listës së Lëvizjes Vetëvendosje por nuk do të mund të votohet, bazuar në vendimin e gjykatës Supreme për kandidatët që kanë probleme me ligjin.
Edhe për Partinë Demokratike të Kosovës,shkruan Vizion Plus, prioritet mbetet qëndrueshmëria ekonomike, sic beri te ditur Enver Hoxhaj.
Ndërsa kryetari i Aleancës për Ardhmërinë e Kosovës, Ramush Haradinaj, i cili është në garë me Vjosa Osmanin për postin e presidentit, ka ruajtur një linjë të ashpër kundrejt fqinjit verior. Haradinaj këmbëngul për bashkimin në kufijtë e jashtëm me Shqipërinë nëse Serbia nuk e njeh Kosovën në krye të pesë viteve.
Aktivitetet politike do të jenë më të kufizuara në kushtet e gjendjes së jashtëzakonshme të vendosur nga pandemia.
