Nis festivali i muzikës moderne

Muzika moderne nis të pushtojë sheshet kryesore ne Durrës, Shkodër, Elbasan e Tiranë. Me një përzierje tingujsh elektronikë dhe muzike pop, nis edhe këtë vit Festivali i Muzikës Moderne që fton publikun shqiptar të takojnë nga afër këngëtarë të huaj. Julia Jean Baptiste, është një prej artisteve që do të sjellë për ne një frymë franceze të freskët dhe origjinale. E njohur së fundi për performancat dhe vokalin e saj, Julia Jean Baptiste vjen në Tiranë bashkë me trion e saj elektro-pop për të prezantuar albumin e saj të ri, por edhe si një falenderim edhe për rrugëtimin e kombëtares shqiptare në Euro 2016.