Ngrihet grupi negociator për bisedimet me BE, Cakaj: Të mbështetet nga të gjithë

Ngrihet grupi negociator i Shqipërisë, i cili do të jetë përgjegjës për zhvillimin e bisedave të aderimit në Bashkimin Evropian.

Lajmin e dha ministri në detyrë për Evropën dhe Punët e Jashtme, Gent Cakaj, në një reagim në “Facebook”.

Cakaj tha se pjesë e grupit janë profesionistë seriozë dhe që kanë integritet për të udhëhequr këtë proces. Për këtë arsye, ai kërkoi mbështetje nga të gjithë.

“Puna e tij duhet të mbështetet nga të gjithë pa përjashtim, ashtu sikurse bashkëpunimi në fushën e integrimit duhet t’i bashkojë të gjithë pavarësisht dallimeve partiake, sepse synimi për anëtarësim në BE është interes themelor e vlerë kombëtare e Shqipërisë!”, theksoi Cakaj në përfundim të reagimit të tij.