Pas thuajse 3 vjet bllokimi, nga sot vendi ka një Gjykatë Kushtetuese që mund të zhvillojë mbledhje e te marre vendime.
Keshilli i Emërimeve në Drejtësi i dërgoi Presidentit të Republikës dy kandidatët për të qenë gjyqtare kushtetuese dhe brenda pak oresh Ilir Meta dekretoi Përparim Kalon si anëtar të kësaj Gjykate.
“Presidenti Meta, pasi u njoh dhe vlerësoi praktikën dokumentare të vendimmarrjes, vlerësimit dhe të renditjes së kandidatëve të miratuara nga Këshilli i Emërimeve në Drejtësi; si dhe duke vlerësuar njëkohësisht nevojën jetike që ka vendi për plotësimin dhe funksionimin sa më parë të Gjykatës Kushtetuese, ka vendosur që: Zoti Përparim Kalo emërohet gjyqtar i Gjykatës Kushtetuese.”
Vendimi i fundit që Gjykata Kushtetuese ka dhënë ka qenë në 7 maj te 2018, pasi për shkak të dorëheqjeve dhe shkarkimeve si pasojë e vettingut, në këtë gjykatë mbeti vetëm një anëtare, Vitore Tusha. Por tashmë ajo ka 6 gjyqtarët e nevojshëm për t’u mbledhur në seancë plenare e për të marrë vendime.
Vijon…
