SPAK ka zbardhur një sërë ngjarjesh kriminale të ndodhura në vend dhe të tjera të mbetura në tentativë, ku të përfshirë janë vëllezërit Florenc dhe Hajdar Çopja nga Elbasani.
Ata lidhen me disa vrasje, tentativë vrasje, trafik droge si dhe bzinese të paligjshme dhe jo vetëm.
Lexo edhe :
Related Posts
SPAK ka zbuluar se ata kanë qenë të përfshirë edhe në grabitjen e Rinasit në vitin 2019.
“Fakti Penal “Vjedhja me armë e vlerave monetare” që do transportoheshin me linjën e avionit Tiranë – Vjenë, ngjarje e ndodhur më datë 09.04.2019, në pistën e aeroportit “Nënë Tereza”, Rinas, Tiranë”, thuhet në njoftimin e SPAK.
Grabitja e Rinasit ndodhi më 9 prill të vitit 2019, në pistën e aeroportit “Nënë Tereza”. Persona të maskuar, nën kërcënimin e armëve të zjarrit, arritën të vidhnin një sasi të konsiderueshme parash, të cilat po ngarkoheshin në avion. Pas përplasjes me policinë mbeti i vrarë njëri prej autorëve të kësaj ngjarjeje, Admir Murataj.
Në lidhje me ngjarjen gjykata dha 20 vite burg për Klement Çalën, ndërsa nga 17 vite u dha për të pandehurit e tjerë, Eldi Çala, Oltjan Veseli, Renaldo Sula, Saimir Çela, Elton Pikli dhe Alkond Bengasi.
Ata akuzohen se janë anëtarë të grupit kriminal që planifikuan vjedhjen me armë të shumave monetare.
Grupi përshtati automjetin me të cilin realizuan vjedhjen shumë kohë përpara grabitjes.
Sakaq siguruan mjetet e nevojshme për hapjen e dyerve të emergjencës së perimetrit të aeroportit, armët luftarake dhe kishin studiuar lëvizjet e mjeteve monetare në brendësi të aeroportit duke e planifikuar me detaje kryerjen e vjedhjes. /vizionplus.tv
