Ngadalësohet rritja ekonomike
Ekonomia shqiptare i është rikthyer ngadalësimit në 3 mujorin e tretë të këtij viti. Duke ju referuar të dhënave nga INSTAT, ekonomia u zgjerua me 3.55%, ndërkohë që në tremujorin paraardhës rritja ekonomike ishte 4.06%.
Ndikimin kryesor në këtë rritje nga korriku deri në shtator e ka dhënë degët si turizëm, transport e tregti e shoqëruar nga ndërtimi.
Ky ngadalësim në 3 mujorin e tretë reflekton edhe tejkalimin e situatës zgjedhore. Dy tremujorët e parë të vitit janë shoqëruar edhe me shpenzime të larta nga qeveria, ndërsa rikthimi i moderuar i rritjes ishte paralajmëruar edhe nga Banka e Shqipërisë.
Sektori që nuk ka performancë pozitive është ai prodhimit. Bizneset prodhuese në vend kanë kërkuar në mënyrë të vazhdueshme mbështete të veçantë për të nxitur aktivitetin.
Sektori i ndërtimit vijon të jetë një degë e rëndësishme në ndikimin e rritjes ekonomike.
