Policia e Tiranës ka arrestuar një 24-vjeçar, pasi ka ngacmuar seksualisht një vajzë të mitur.
Në pranga përfundoi shtetasi me iniciale O.N. Arrestimi i tij u bë në afërsi të fshatit Shupal.
Po ashtu, uniformat blu kanë arrestuar edhe një 44-vjeçar në Babrru. Ai akuzohet se ka ushtruar dhunë fizike dhe psikologjike ndaj 3 vajzave të tij.
Shtetasi në fjalë ka shkelur vendimin e dhënë nga Gjykata e Rrethit Gjyqësor Tiranë, e cila ka vendosur lëshimin e menjëhershëm të urdhrit të mbrojtjes për vajzat e tij.