Për analistin Plator Nesturi, Berisha dhe opozita nuk ofrojnë shpresë për vendin. Këtë deklaratë, Nesturi e bëri gjatë një interviste në emisionin Quo Vadis në Vizion Plus.
Ai tha se protestat e opozitës, nisin me zhurmë të madhe, por që në përfundim nuk përfaqësojnë asnjë gjë.
“E gjithë kjo të ngjan me një slogan të kohës së diktaturës, që ishte një revolucion pa fund. I njëjti lloj skenari po përdoret edhe sot. E gjithë kjo është e lodhshme. Nuk mund të ketë revolucion pafund. Opozita, me këtë lloj aksioni, duke parë edhe përsëritje të gjërave, qoftë edhe me protestat që kanë shumë tambure kur nisin por që nuk kanë asnjë gjë, tregon se duhet të shikojë edhe brenda vetvetes se çfarë ndodh.
Kur nuk arrin të mobilizosh njerëzit dhe të krijosh besim e frymë, tregon që ose e keqja ka zënë vend, ose ti je më e keqe se e keqja. Për faktin sepse ti nuk ofron gjë ose të zëvendësosh diçka e cila mund të jetë e keqe me diçka më të mirë. Shqiptarët nuk shikojnë alternativ të besueshme që të krijojë frymë dhe shpresë“, tha Nesturi.
