Këto janë pamjet e publikuara nga Garda Bregdetare e SHBA-ve që fiksojnë momentin e ndjekjes së një gjysmë-nëndetëse të mbushur me kokainë, vlera e së cilës arrin në 232 milionë dollarë në treg.
Anëtarët Gardës gjurmojnë nëndetësen, zbresin në tavanin e saj dhe i detyrojnë trafikantët të ndalojnë.
5 kontrabandistë ranë në pranga.
Mediat amerikane shkruajnë se gjysmë-nëndetëset po përdoren kohët e fundit nga trafikantët dhe kartelët e drogës si një mënyrë më efikase për kontrabandimin e drogës jashtë vendit.
Nënpresidenti Mike Pence ishte i pranishëm kur anëtarët e Gardës Bregdetare shkarkuan drogën e kapur në San Diego.
Një tjetër operacion anti drogë është finalizuar me sukses në Shtetet e Bashkuara ë 4 korrik. Një anije mallrash me 20 ton kokainë vlera e së cilës I kalon 1 miliardë dollarë u konfiskua në Filadelfia në korrik.
Mediat amerikane shkruajnë se operacioni ishte pjesë e një hetimi disa mujor. Lënda narkotike u transportua me anijen e cila I përket Bankës më të madhe Amerikane JP Morgan Chase.
megjithatë kompania tha se po bashkëpunon me autoritetet dhe se nuk është një objektiv i hetimit të qeverisë amerikane.
Megjithatë Rojet bregdetare kapin vetëm 11 për qind të anijeve me drogë në SHBA.
Në katër vitet e fundit, ka pasur një rritje të karteleve të drogës nga Amerika Qendrore dhe Jugore që përdorin këto anijet dhe gjysmë-nëndetëset për kontrabandim të lëndëve narkotike.
Veçanërisht këto të fundit janë relativisht të rralla, kanë një kosto të lartë dhe prodhohen thellë në xhungla për të shmangur zbulimin.
