Nëse “Lemonade” vitin e kaluar e “shkundi” Hollywood-in, “4:44”, albumi i ri i Jay Z e ka tronditur deri në themele.
Pas shumë spekulimeve e fjalëve lart e poshtë, reperi ka pranuar më në fund se ka tradhëtuar Beyonce-n dhe për këtë i kërkon shumë falje. Ai ka treguar se e ka bërë të vuajë shumë që prej kohës kur u njohën, madje ka tentuar prej vitesh ta ketë nën kontroll, ama nuk e kishte parashikuar që Bey do të ishte kaq e fuqishme.
Ju kujtohet “Becky me flokë të bukura”? Epo, edhe në këngën “Family Feud”, ashtu sikurse në “Sorry” ajo shfaqet sërish kur Jay thotë vargun: “Leave me alone Becky/ Më lër të qetë Becky!”
Gjithashtu, reperi nga Brooklyn ka pranuar se diva e muzikës ka dështuar disa herë dhe kjo për faj të stresit që kalonte nga veprimet e tij.
Dhe për ta mbyllur, në këtë album Shawn Carter ka realizuar një duet me të ëmën, Gloria Carter, e cila pranon për herë të parë publikisht se është lesbike.
Ja, një album bën reperi, një herë në 5 vite, dhe bën bujë. Imagjino të bënte çdo vit si reperat e sotëm.
